DJ Crazy Slave:

За луѓето за кои има што да се каже,
најчесто Ве оставаат без зборови.....
Луѓето кои сами не сакаат да зборуваат за себе и за своите успеси,
дозволуваат Ние нешто да напишеме за Нив.

Славе Ќелешоски е човекот од кој сите научивме многу, човекот чие име веднаш Ве асоцира на радио затоа што со години беше синоним за Ди-џеј и Радио водител во Струга, Македонија, но Славе своевремено беше и најпознатиот ди-џеј во бивша Југославија за што потврдуваат наградите за најдобар ди-џеј во Југославија кои ги добива три пати додека беше активен со својата работа. Од својата најрана младост е посветен на работата со музиката како ди-џеј по струшките дискотеки а подоцна и како сопственик на првата современа радио станица во Струга Ди-Џеј Радио, каде што остава простор на млади луѓе кои го сакаат радиото и кои сакаат да се усовршуваат во таа работа, а со тоа и музички го едуцира во тоа време празниот радиски етер. Музиката е насекаде околу него, а тој го следи секој нејзин чекор патувајќи низ светот да ги проследи концертите на најголемите рок бендови, но и отвара свој сопствен кафе бар Ди-Џеј , каде што ги угостува и најголемите ѕвезди од Југословенските простори кои поради пријателството со Славе често доаѓаа во Струга, тој беше ексклузивецот од Македонија кој ги има направено сите интервјуа со нив. За Славе Ќелешоски се пишуваше во Југословенските медиуми, се објавуваа негови интервјуа, но тој беше и важно мислење кога се објавуваа песни на тогашните музичари и секако неговото мислење беше уважено кога стануваше збор и за глобалната музичка сцена. После подолга пауза нашиот град ја добива таа можност да го слушне со свој сет на плочи и да ја почуствува магијата која доаѓа од плоча која со себе го носи времето на музичката историја.
Вистинска привилегија е да се има во својот тим легенда како што е Славе Ќелешоски и секако вистинско уживање е да се слушне неговиот глас на радио после толку години.

Секоја Сабота "Викенд Фобија" на Плеј Радио од 12 до 14 часот. (Исклучиво ако не е заминат во Америка :))